ASSALAM O ALAIKUM doston, aap log soch rahe honge k "Fashion & Culture" k blog men bhala doctor ka kia kaam, magar kuch esi baten hamare "culture" ka hissa ban chuki hain jin se agar barwaqt peecha na chudaya gya to inhe adopt krna "Fashion" ban jayega, or apko to pta hi hy "jang or fashion men sab kuch jaiz hai". Alhamdulillah men ek doctor hun or is hi lie doctors pr rat din hone wale tashaddud ki na sirf "Aeni shahid hun balke "victim" bhi hun or ab bilaakhir unk khilaaf aawaz buland kr rhi hun ab ye ap logon ki zimmedari hy k is aawazko jahan tak ho sake phela den, in short "jungle men aaag ki trah".
Chalen asal baat pr aate hain, "doctor" banna ek esa laado hy jo khaye pachtae jo na khae pachtae, dusre mulkon ka to nhi pta mgr Pakistan mn jb ek bacha HSC-II k bad ye kehta hy men medical ka entry test dunga ya dungi ghar walon ko us mn tb hi se "future ka doctor" nazar aana shuru hojata hy. kehne wale ye bhi kehte hain k "bus ye entry test pass kr lo life ban jaegi" (note: mujhe in logon se akele men milna hy) bache pe ghar walon, mohalle walon, teachers, rishtedaron ka itna pressure hota hy k use padhai ka pressure bhi km lgne lgta hy wo bus logon ki sawaal krti nazron k khof se padhta hy, Entry test wale din lgta hy aj ya to mn doctor banunga ya phr chaprasi (us waqt ese hi khayal aate hain) or phr Allah Allah kr k jb ap test pass krte ho to us medical university k ilawa jis men apka admission hota hy baqi sb log apko "doctor" manna shuru krdete hain, mohalle ki kuch auntian to "munne ki khansi ki dawa" bhi likhwane ajati hain, university shuru hone se pehle apko lgta hy " men hawaon men hun" phr anaza hota hy k such men hawa men hi hun na aasman hy na zameen bus books books books.
Agar ap apni family k pehle doctor hain to mubarak ho ab M.B,B.S apk lie 4 guna ziada mushkil hy q k apko koi iski "asliat" batane wala nahi hota. Or Khudanakhwasta, Allah nakre, toba meri toba agar ap hostel men rehte hain to bus....apka Allah hi hafiz hy. Pehla mushkil marhala tab hota hy jab apko pta chalta hy k yahan school or college ki trah notes nahi milenge balke books padhni hongi, ap sochte ho koi bat nahi padhlenge or phr ap books ka size dekhte ho...... to apko lgta hy koi ap se keh rha hy "samne camera hy hath hiladen" matlab itna wazan to mere bhanje ka nhi tha jitna ek ek kitab ka tha, or itni ghazab ki mushkil angrezi... jese Mars se ye books utri hon, mjhe ek bat smjh nhi aati humen angrezon k btae hue koi rules follow nahi krne "q k ye Pakistan hy yahan ese nahi hota" magar books unki likhi hui padhni hain "q k inka ek standard hy".
Mera manna hy pehle saal sirf Anatomy padhani chahie or kuch bhi nahi tab kahin ja ker Anatomy ka haq ada hoga! or bio chemistryy k lie meri dua hy ye zinda ap 4 5 dictionaries sath rkh k puri raat beth k ek topic padhte ho (q k apko "concept" banana hota hy) phr apko andaza hota hy agar yehi speed rahi to pure saal ek hi chapter complete ho sakega, exams qareeb ate hi aap ki dictionaries door kahin kone men padi hoti hain or ap "abey concept ki esi ki tesi" kar k sirf bhag rahe hote ho, nateejatan ap sare topics pr se guzar jate ho r sare topics apk sar k uper se guzar jate hain....
Theory paper men wo topics kasrat se aate hain jinko ap "unimportant" samajh kr chod dete hain, ab aati hy Viva ki bari, (note: M.B,B.s men admission se pehle her candidate ko ye pta hona laazmi hy k student ki koi izzat nahi hoti, or M.B,B.S k bad bhi aapko kai saalon tak "izzat" ko bhoolna padega warna ap ye aag ka darya par nahi kr sakenge)
to janab Viva men kuch Examiners bethe hi beizzati krne k lie hote hain, wo ap se ese sawal puchte hain jese is viva k foran bad apko kisi ki Jan bachne k lie bhagna hy or agar is sawal ka jawab nahi dia wo banda definitely marjaega or ap kabhi ek ache doctor nahi ban sakenge! Kher kuch teachers "co operative" bhi hote hain magar "aate men namak" k brabar.
or phir apka rsult aat hai.......
(to be continued......)
